Abai oblysynda TikTok áleýmettik jelisinde tikelei efir barysynda balaǵat sóz aityp, qoǵamdyq tártipti buzǵan 26 jastaǵy boijetken ákimshilik jaýapkershilikke tartyldy, dep habarlaidy ult.kz.
IIM málimetinshe, áleýmettik jelilerge júrgizilgen monitoring kezinde politsiia qyzmetkerleri quqyqqa qaishy kontentti anyqtaǵan. Tikelei efirde boijetken bylapyt sózder aityp, qoǵamdyq ádepke qaishy áreket jasaǵan. Sonymen qatar, ol esirtki qoldanatynyn málimdegen.
Politseiler onyń jeke basyn jedel anyqtady. Quqyq buzýshynyń Túrkistan oblysynyń týmasy, qazirgi ýaqytta Semei qalasynda ýaqytsha turyp jatqan 26 jastaǵy Aziza Qoqanova ekeni belgili boldy.
Meditsinalyq kýálandyrý nátijesi onyń alkogoldik masań kúide bolǵanyn kórsetti.
Sot sheshimimen boijetken Ákimshilik quqyq buzýshylyq týraly kodekstiń usaq buzaqylyqqa qatysty baby boiynsha kináli dep tanylyp, 10 táýlikke ákimshilik qamaýǵa alyndy.
IIM áleýmettik jelilerde jasalatyn quqyq buzýshylyqtardy anyqtaý jáne jolyn kesý jumystary turaqty túrde júrgizilip jatqanyn málimdedi. Vedomstvo internet keńistigindegi árbir zańsyz áreketke quqyqtyq baǵa berilip, zań talaptaryna sáikes shara qoldanylatynyn eskertti.
Eske salaiyq, buǵan deiin Jambyl oblysynda TikTok-ta tikelei efir ótkizip, donat jinaý maqsatynda bir-birine ádeii dene jaraqatyn salǵan eki 19 jastaǵy turǵyn da ákimshilik jaýapkershilikke tartylǵan bolatyn.
