Foto: TikTok
TikTok platformasy Qaýipsiz internet kúni aiasynda qazaq tildi aýditoriiaǵa arnalǵan "Eń Aldymen Qaýipsizdik" bilim berý jobasyn iske qosyp, 2024 jyly joiylǵan kontent týraly málimetterin bólisti. Bul týraly Ult.kz habarlaidy.
Qaýipsiz internet kúni aqpan aiynyń ekinshi aptasynda atap ótiledi. Onyń maqsaty – jastar arasynda tsifrlyq tehnologiialardy qaýipsiz ári jaýapty paidalanýǵa shaqyrý. TikTok bul baǵytta Qazaqstanda qaýymdastyqtyń qaýipsizdigin qamtamasyz etýge erekshe kóńil bólýde.
TikTok-tyń qaýipsizdik sharalary:
- 2024 jyly Qazaqstanda:
- Qaýymdastyq erejelerin buzǵan 6,5 millionnan astam beine joiyldy.
- 95% beine shaǵym túskenge deiin anyqtalyp joiyldy.
- 930 myńnan astam tikelei efir buǵattaldy.
- 13 jasqa tolmaǵan paidalanýshylardyń 1,9 million akkaýnty joiyldy.
Sonymen qatar, TikTok Qazaqstanda tsifrlyq saýattylyqty arttyrýǵa baǵyttalǵan bastamalardy jalǵastyrýda. 2023 jyly iske qosylǵan "Qaýipsizdik akademiiasy" jobasy onlain-býllingten saqtaný, feikterdi ajyratý jáne tsifrlyq qaýipterden qorǵaý taqyryptaryn qamtyp, 100 myńnan astam qaralym jinady.
Jańa joba jáne seriktester:
2024 jyly TikTok qazaq tilindegi "Eń Aldymen Qaýipsizdik" rolikter seriiasyn usyndy. Astana Hub-pen seriktestik aiasynda CyberKúzet atty ekshn formattaǵy birneshe beinerolik jasaldy.
TikTok tsifrlyq qaýymdastyqtyń qaýipsizdigin qamtamasyz etýge baǵyttalǵan jumystaryn jalǵastyrýda.
