Foto: Pexels.com
Shyǵys Qazaqstan oblysynda áleýmettik jelidegi tikelei efirlerdi baqylap, azamattardyń akkaýnttaryna zańsyz qol jetkizgen 18 jastaǵy kúdikti qolǵa tústi, dep habarlaidy Ult.kz.
Tergeý derekterine sáikes, ol efir barysynda qoldanýshylardyń telefon nómirleri men ekrandaryn baiqaǵan. Ekranǵa túsken messendjerge kirýdi rastaý SMS-kodtaryn paidalanyp, jábirlenýshilerdiń paraqshalaryn buzyp kirgen.
Bóten akkaýnttarǵa kirgen soń, kúdikti jábirlenýshilerdiń atynan olardyń tanystaryna «qaryzǵa aqsha berý» jóninde jalǵan habarlamalar joldap, túsken qarajatty óz shotyna aýdarǵan.
Alaiaqtyqtyń saldarynan oblystyń bes turǵyny zardap shekti. Qazir bul fakti boiynsha qylmystyq is qozǵalyp, sotqa deiingi tergeý júrgizilýde. Sonymen qatar, politseiler kúdiktiniń basqa da qylmystarǵa qatystylyǵyn tekserip jatyr.
Politsiia azamattardy onlain-transliatsiialar kezinde barynsha saq bolýǵa shaqyrdy. Jeke derekterdi — JSN, bank kartasynyń nómirin, mekenjai men telefon nómirin — tikelei efirde jariia etpeý qajettigin eskertti.
