فوتو: Pexels.com
شىعىس قازاقستان وبلىسىندا ەلەۋمەتتٸك جەلٸدەگٸ تٸكەلەي ەفيرلەردٸ باقىلاپ, ازاماتتاردىڭ اككاۋنتتارىنا زاڭسىز قول جەتكٸزگەن 18 جاستاعى كٷدٸكتٸ قولعا تٷستٸ, دەپ حابارلايدى Ult.kz.
تەرگەۋ دەرەكتەرٸنە سەيكەس, ول ەفير بارىسىندا قولدانۋشىلاردىڭ تەلەفون نٶمٸرلەرٸ مەن ەكراندارىن بايقاعان. ەكرانعا تٷسكەن مەسسەندجەرگە كٸرۋدٸ راستاۋ SMS-كودتارىن پايدالانىپ, جەبٸرلەنۋشٸلەردٸڭ پاراقشالارىن بۇزىپ كٸرگەن.
بٶتەن اككاۋنتتارعا كٸرگەن سوڭ, كٷدٸكتٸ جەبٸرلەنۋشٸلەردٸڭ اتىنان ولاردىڭ تانىستارىنا «قارىزعا اقشا بەرۋ» جٶنٸندە جالعان حابارلامالار جولداپ, تٷسكەن قاراجاتتى ٶز شوتىنا اۋدارعان.
الاياقتىقتىڭ سالدارىنان وبلىستىڭ بەس تۇرعىنى زارداپ شەكتٸ. قازٸر بۇل فاكتٸ بويىنشا قىلمىستىق ٸس قوزعالىپ, سوتقا دەيٸنگٸ تەرگەۋ جٷرگٸزٸلۋدە. سونىمەن قاتار, پوليتسەيلەر كٷدٸكتٸنٸڭ باسقا دا قىلمىستارعا قاتىستىلىعىن تەكسەرٸپ جاتىر.
پوليتسييا ازاماتتاردى ونلاين-ترانسلياتسييالار كەزٸندە بارىنشا ساق بولۋعا شاقىردى. جەكە دەرەكتەردٸ — جسن, بانك كارتاسىنىڭ نٶمٸرٸن, مەكەنجاي مەن تەلەفون نٶمٸرٸن — تٸكەلەي ەفيردە جارييا ەتپەۋ قاجەتتٸگٸن ەسكەرتتٸ.
