The Finiko qarjy piramidasynyń Qazaqstandaǵy qurylymdyq bólimshesin basqarǵan kúdikti Túrkiiadan Qazaqstanǵa ekstraditsiialandy, dep habarlaidy ult.kz.
Qarjylyq monitoring agenttiginiń málimetinshe, kúdikti 2022 jyldan beri halyqaralyq izdeýde bolǵan. Ony Qazaqstanǵa prokýratýra organdarynyń úilestirýimen Interpoldyń Ulttyq ortalyq biýrosy qaitardy.
Tergeý málimetine sáikes, The Finiko naqty kásipkerlik nemese investitsiialyq qyzmetpen ainalyspaǵan. Burynǵy salymshylarǵa tólemder keiin qosylǵan qatysýshylardyń aqshasy esebinen júrgizilgen. Osy arqyly salymshylarǵa tabys túsip jatqandai áser qalyptastyrylyp, jańa qarajat tartylǵan.
Kúdiktiniń áreketinen qarjy piramidasyna 160 mln teńgeden astam qarajat tartylǵan. Sotqa deiingi tárkileý barysynda onyń quny 221 mln teńge bolatyn jer telimi memleket kirisine alynǵan.
Buǵan deiin osy is boiynsha úsh adam sottalyp, olardyń múlki tárkilengen. Sottalǵandarǵa alty jylǵa deiin bas bostandyǵynan aiyrý jazasy taǵaiyndalǵan.
Qazir sotqa deiingi tergeý jalǵasyp jatyr. Istiń ózge mán-jailary Qylmystyq-protsestik kodekstiń 201-babyna sáikes jariia etilmeidi.
