foto: Gov.kz
Terrorizmdi nasihattaǵan eki adam 7 jylǵa sottaldy. Bul týraly Ult.kz, Ulttyq qaýipsizdik komitetiniń baspasóz qyzmetine silteme jasap habarlaidy.
Vedomstvonyń málimetinshe, Taraz turǵyny sheteldegi terroristik toptardyń jaǵynda soǵysqa qatysýǵa shaqyryp, ózi de solarǵa qosylýdy josparlaǵan.
“Taraz qalasy sotynyń sheshimimen ol terrorizmdi nasihattaǵany úshin (QR QK 256-baby), dini alaýyzdyqty qozdyrǵany úshin (QR QK 174-baby) kináli dep tanylyp, 7 jylǵa bas bostandyǵynan aiyryldy”, – delingen habarlamada.
Ekinshi sottalǵan adam – Almaty qalasynyń turǵyny buǵan deiin birneshe ret qylmystyq quqyq buzýshylyqtar úshin sottalǵan. Ol internette radikaldyq ideologiiany nasihattaýmen ainalysqan.
«Almaty qalasy sotynyń sheshimimen ol terrorizmdi nasihattaǵany úshin (QR QK 256-baby), esirtki quraldaryn zańsyz saqtaǵany úshin (QR QK 296-baby) kináli dep tanylyp, 7 jyl 1 aiǵa bas bostandyǵynan aiyryldy», – dep habarlady UQK.
