Terrorizm jáne ekstremizm babymen sottalǵandardyń múlkin mindetti túrde tárkileý enzgiziledi. Bul týraly búgin Parlament Májilisinde «Qazaqstan Respýblikasynyń keibir zańnamalyq aktilerine ekstremizm jáne terrorizm máseleleri boiynsha ózgerister men tolyqtyrýlar engizý týraly» zań jobasynyń tanystyrylymy barysynda QR Ulttyq komiteti tóraǵasynyń orynbasary Marat Qolqobaev málim etti. Bul týraly QazAqparat jazdy.
«Zań jobasymen bes kodeks pen 19 zańǵa ózgerister engizilmek. Atap aitqanda, Qylmystyq kodekstiń terroristik baptary boiynsha terroristik qylmystar úshin jazalar kúsheitiledi. Budan bólek, ekstremizm men terrorizm babymen sottalǵandardyń múlkin mindetti túrde tárkileý qarastyrylyp otyr. Terroristik qylmystardyń azamattarymyz ben memleketke qaýipiniń artyp otyrýyna bailanysty mundai norma engizý qajetti sharalardyń biri bolyp tabylady», - dedi M.Qolqobaev.
Onyń aitýyna qaraǵanda, Qylmystyq-protsessýaldyq kodekste qarý-jaraqtyń zańsyz ainalymy, zańsyz kóshi-qon jáne esirtki biznesi salasyndaǵy qylmystar boiynsha ulttyq qaýipsizdik organdary úshin balama tergeýler engizý qarastyrylady. Bundai shara negizinen esirtkiniń, qarý-jaraqtyń zańsyz ainalymy terrorizmdi qarjylandyrýdyń negizgi kózi bolyp tabylatyndyqtan engizilip otyr.
«Budan bólek, tirkeýsiz jeke tulǵalardy turǵyzǵany úshin turǵyn úi ielerine, atys tirlerin ashý men onyń qyzmetine qatysty zańnamany buzǵandarǵa, jeke kúzet uiymdarynyń arnaiy kúzet kiim formasyn zańsyz kiip júrgeni úshin ákimshilik jaýapkershilikter engizý kózdeledi. Qarý-jaraqtyń jekelegen túrlerine memlekettik baqylaý kúsheitiledi. Qarýjaraqtyń ainalymy men ony saqtaýǵa, sonymen qatar, osy salada qyzmet kórsetetin kásipkerlik sýbektilerine talap kúsheitiledi. Qarýjaraq dúkenderiniń ornalasý talaptary qataitylyp, atýǵa daiyn jaǵdaidaǵy, oqtalyp turǵan qarýlardy satýǵa tyiym salynady», - dedi UQK ókili.
Bunymen qosa, zań jobasymen kúzet uiymdaryna qatysty talap ta kúsheitiledi. Atap aitqanda, kúzet qyzmetine qabyldanatyn tulǵalarǵa qatysty erekshe talaptar naqtylanady. Bul rette kúzet firmalarynyń qyzmetkerlerine qarý-jaraqtar, oq dáriler men jarylǵysh zattary bar kúzetiletin nysandardaǵy dabyldardyń iske qosylýyna qatysty ishki ister organyna jedel habarlaý týraly mindetter júkteledi.
Sonymen qatar, ekstremizm men terrorizmge yqpal etetin dini toptar men birlestikterdiń is áreketine tyiym salý kózdelip otyr.
Eske sala keteiik, zań jobasy Memleket basshysynyń Qazaqstan Respýblikasy Qaýipsizdik Keńesiniń otyrysynda bergen tapsyrmalaryn oryndaý maqsatynda ázirlengen.
