2021 jyldan bastap memlekettik qyzmetten teris sebeptermen bosatylǵan adamdar kirister men múlik týraly deklaratsiiany memlekettik kirister organdaryna tapsyra ma? Bul suraqqa Memlekettik kirister komiteti jaýap berdi, dep habarlaidy "Ult aqparat".
Buryn, 2021 jyldyń 1 qańtaryna deiin, Qazaqstan Respýblikasynyń «Sybailas jemqorlyqqa qarsy is-qimyl týraly» Zańyna sáikes (11-baptyń 3-tarmaǵy) memlekettik qyzmetten teris sebeptermen bosatylǵan adamdar jumystan shyǵarylǵannan keiin úsh jyl ishinde turǵylyqty jeri boiynsha memlekettik kirister organyna kirister men múlik týraly deklaratsiiany tapsyrýǵa mindetti bolatyn (esep nysany 230.00).
Jalpyǵa birdei deklaratsiianyń engizilýine bailanysty 2021 jyldyń 1 qańtarynan bastap memlekettik qyzmetten teris sebeptermen bosatylǵan adamdar úshin 230.00 nysany boiynsha kirister men múlik týraly deklaratsiiany tapsyrý toqtatylady.
2020 jyly múliktik tabysty, Qazaqstan Respýblikasynan tys jerlerdegi kózderden tabysty jáne Salyq kodeksiniń 363-babynda kózdelgen ózge de kiristerdi alǵan jaǵdaida atalǵan tulǵalar ornalasqan (turǵylyqty) jeri boiynsha salyq organyna jeke tabys salyǵy boiynsha deklaratsiiany (240.00-nysan) tabys etetinin eskerý qajet. Bul deklaratsiiany tapsyrý merzimi - 2021 jylǵy 31 naýryz.
Eger jeke tulǵa qatelesip, 2020 jylǵa arnalǵan 230.00-nysandaǵy deklaratsiiany tapsyrsa, onda mundai deklaratsiia keri qaitarylyp alýy tiis.
Eske sala keteiik, aǵymdaǵy jyl elimizde jalpyǵa birdei deklaratsiialaýdy engizýdiń birinshi kezeńiniń basy bolady, dep habarlady QR QM Memlekettik kirister komitetiniń baspasóz qyzmeti.
Salyq kodeksinde jalpyǵa birdei deklaratsiialaýdy tórt kezeńmen júzege asyrý qarastyrylǵan.
Birinshi kezeńde (2021 jylǵy 1 qańtardan bastap):
- jaýapty memlekettik laýazymdy atqaratyn adamdar men olardyń jubailary (zaiyptary);
- memlekettik fýnktsiialardy oryndaýǵa ýákilettik berilgen jáne olarǵa teńestirilgen adamdar, sondai-aq olardyń jubailary (zaiyptary);
- «Qazaqstan Respýblikasyndaǵy sailaý týraly Qazaqstan Respýblikasynyń Konstitýtsiialyq Zańyna jáne «Sybailas jemqorlyqqa qarsy is-qimyl týraly», «Qazaqstan Respýblikasyndaǵy bankter jáne bank qyzmeti týraly», «Saqtandyrý qyzmeti týraly», «Baǵaly qaǵazdar rynogy týraly» Qazaqstan Respýblikasynyń Zańyna sáikes tabys etý mindeti júktelgen adamdar deklaratsiia tapsyrýǵa mindetti.
