QR Sybailas jemqorlyqqa qarsy is-qimyl agenttigi «Astana LRT» isine qatysty tergeý amaldary nysannyń qurylysyna kedergi keltirmeitinin málim etti, dep habarlaidy "Ult aqparat".
«Tergeý «Astana LRT» qurylysyna kedergi keltirmeidi. Onyń ústine biz qurylys nysandarynyń sońǵy alys-berisin aiaqtap qaldyq», - dedi QR Sybailas jemqorlyqqa qarsy is-qimyl agenttigi ekinshi departamentiniń basshysy Sergei Perov.
Departament basshysy sonymen birge tergeý amaldary LRT basshylyǵynyń ótinimi boiynsha júrgizilip jatqanyn atap ótti.
«Tekserý barysynda jymqyrý faktileri anyqtaldy. Sol sebepti, tergeý jalǵasýda. Memleket basshysynyń tapsyrmasy boiynsha, is erekshe baqylaýǵa alyndy. Tergeý amaldary ótken jyly bastalǵan. Áý basta is 2018 jyldyń qańtarynda qozǵalǵan», - dedi Sergei Perov.
Eske salsaq, Prezident LRT qurylysyn jedeldetýdi jáne oǵan qatysty isti tergeýdi tapsyrdy.
Buǵan deiin LRT-nyń qurylysy ýaqytsha toqtatylǵany týraly habarlaǵan bolatynbyz.
