Teologtar sottalǵandarǵa arnalǵan seminar ótkizdi

Nur-Sultan qalasyndaǵy ETs-166/10 túzeý mekemesinde qyzmetkerleri men sottalǵandardyń dini saýattylyǵyn arttyrýǵa arnalǵan seminar ótti.

Atalǵan seminardy mekeme basshylyǵy men Nur-Sultan qalasyndaǵy Dinderdi zertteý ortalyǵymen birlesip uiymdastyrdy.

Seminar aiasynda Qazaqstandaǵy dástúrli jáne dástúrli emes dini aǵymdardyń qyzmeti talqylandy. Baiandamashy retinde Nur-Sultan qalasyndaǵy Dinderdi zertteý ortalyǵynyń teologtary keldi.

Bul seminarǵa 20-ǵa jýyq qyzmetkerler men sottalǵandar qatysty.

Dintanýshylar elimizde jumys isteitin tirkelgen dástúrli dini birlestikter, olardyń shyǵý tegi men tarihy týraly aqparat berdi.

Sondai-aq dintanýshylar zamanaýi dástúrli emes dini aǵymdar týraly, olardyń ekstremistik ideialardy taratý ádisteri men qoǵamǵa qandai áleýmettik qaýip tóndiretini týraly aitty.

Mekemege barý barysynda sottalǵandardyń jeke máseleleri boiynsha qabyldaý júrgizilip, suraqtaryna jaýaptar alyndy.

Teologtar mekeme kitaphanasyn da aralady. Olar mekemedegi dini ádebietterdi zerttedi.