Oralda toi kezinde «tentek káde» jasamaq bolǵan er adam qudasynan soqqy alǵany týraly aqparat áleýmettik jelide tarady, dep habarlaidy ult.kz.
Jelide jariialanǵan videoda káde surap, ortaǵa shyqqan er adamnyń ekinshi adamnyń bir soqqysynan keiin qulap qalǵany kórinedi. Oqiǵaǵa qatysty videoǵa qosa aýdiojazba da taraǵan.
Aýdio avtorynyń aitýynsha, toi barysynda birneshe adam «tentek» keipine enip, ony ortaǵa alyp shyǵyp, káde suraǵan. Alaida bul áreket qudasyna unamai, ol er adamnyń birine soqqy jasaǵan.
«Talyp qalyp, 40 minýttan keiin travmpýnkte esin jiǵan. Zaiavlenie jazyp tastap, sonymen isti bolǵan jaidaiym bar. Biraq sheshilgendei boldy áiteýir. Jigittermen baryp, keshirimimizdi alyp, kishkene tiyn-tebenin berip…» – delinedi aýdiojazbada.
Aýdio avtory er adamnyń soqqydan keiin birneshe jaraqat alǵanyn aitqan. Onyń sózinshe, tisi túsip, qulaǵan kezde qabyrǵasy synyp, basy jarylǵan. Keiin jaraqat alǵan azamatty Michýrin aýylyndaǵy synyqshyǵa aparǵan.
