Qazaqstandyq Zarina Diias Beijiń WTA týrniriniń irikteý saiysyn sátti bastady, dep habarlaidy QazAqparat.
Álemniń 78-raketkasy Z.Diias dúniejúzilik reitingte 89-orynda turǵan vengriialyq Timeia Baboshpen kezdesti.
Birinshi partiiada qazaqstandyq tennisshi aiqyn basymdylyq kórsetti - 6:1.
Ekinshi sette de Zarina esesin jibergen joq - 6:4.
Báseke 1 saǵat 12 minýtqa sozyldy.
Zarina irikteý saiystarynyń finalynda álemniń 66-raketkasy, reseilik Anna Blinkova nemese reitingte 108-satydaǵy qytailyq Chjý Linniń bireýimen kortqa shyǵady. Onda utsa, negizgi jarysqa joldama alady.
Eske sala keteiik, budan buryn Elena Rybakinanyń Ýhan týrnirinde jeńilip qalǵanyn, al Aleksandr Býbliktiń Chendý dodasynyń shirek finalyna shyqqanyn jazǵan bolatynbyz.
