Qazaqstandyq Zara Dárken ýkrainalyq Eva Galievskaiamen birge juptyq synda Minskide jasóspirimder arasynda SMENA CUP halyqaralyq týrniriniń finalynda jeńilip qaldy, dep habarlaidy "Ult aqparat".
Qazaqstan tennis federatsiiasy málim etkenindei, jasóspirimder arasyndaǵy jyldyń alǵashqy jarysynda qazaqstandyq-ýkrainalyq jup sońǵy básekede Belarýs eliniń ókilderi Marta Melnichenok pen Aleksandra Slahaevamen kezdesti.
Tartysty ótken match barysynda qarsylastar ár dop úshin kúresip baqty.
Birinshi partiiada belarýs juby 7:5 esebimen basymdyq tanytty. Ekinshi settiń ortasynda da olarǵa sáttilik joldas boldy. Sóitip básekeni jeńispen támamdai bildi – 7:5.
Zara Dárken jekelei synda jarystyń birinshi raketkasy bolyp, jartylai finalǵa deiin jetti. Shirek finalda qazaqstandyq tennisshi Belarýs ókili Alina Býrshty 6:1, 6:1 esebimen ońai jeńdi. Áitse de jartylai finalda taǵy bir belarýs qyzy Polina Kýharenkoǵa 2:6, 6:7 esebimen ese jiberdi.
