Qazaqstannyń ekinshi, álemniń 41-raketkasy Iýliia Pýtintseva Dýbai WTA 500 týrniriniń irikteý saiysyn sátti bastady, dep habarlaidy QazAqparat tilshisi.
Qazaqstandyq tennisshi irikteý saiystarynyń shirek finalynda dúniejúzilik reitingte 67-orynda turǵan qytailyq Chjan Shýaimen sheberlik baiqasty.
Iu.Pýtintseva 6:1, 6:3 esebimen jeńiske jetti.
Qazaqstandyq sportshy 1 saǵattan astam ýaqytqa sozylǵan match barysynda 8 breik-pointtyń beseýin paidalana bildi. Qarsylasy 1 breikten (8 breik-point) asa almady.
Qazaqstannyń birinshi, álemniń 12-raketkasy Elena Rybakina biylǵy Aýstraliia ashyq chempionatynyń ekinshi ainalymynda jaraqatyna bailanysty matchty jalǵastyra almai, osy Ch.Shýaiǵa jol bergen edi.
Iu.Pýtintseva Dýbaida irikteý saiystarynyń finalyna shyǵý úshin reitingte 99-satydaǵy Polsha ókili Magdalena Freshpen talasady.
Taǵy bir qazaqstandyq Anna Danilina alǵashqy kezdesýinde ýkrainalyq Daiana Iastremskaiadan 5:7, 0:6 esebimen utylyp qaldy.
Erler arasynda Andrei Golýbev Doha ATP jarysynyń irikteý saiysynda slovakiialyq Iozef Kovalikke jol berdi – 4:6, 6:7 (2:7).
