قازاقستاننىڭ ەكٸنشٸ, ەلەمنٸڭ 41-راكەتكاسى يۋلييا پۋتينتسەۆا دۋباي WTA 500 تۋرنيرٸنٸڭ ٸرٸكتەۋ سايىسىن سەتتٸ باستادى, دەپ حابارلايدى قازاقپارات تٸلشٸسٸ.
قازاقستاندىق تەننيسشٸ ٸرٸكتەۋ سايىستارىنىڭ شيرەك فينالىندا دٷنيەجٷزٸلٸك رەيتينگتە 67-ورىندا تۇرعان قىتايلىق چجان شۋايمەن شەبەرلٸك بايقاستى.
يۋ.پۋتينتسەۆا 6:1, 6:3 ەسەبٸمەن جەڭٸسكە جەتتٸ.
قازاقستاندىق سپورتشى 1 ساعاتتان استام ۋاقىتقا سوزىلعان ماتچ بارىسىندا 8 برەيك-پوينتتىڭ بەسەۋٸن پايدالانا بٸلدٸ. قارسىلاسى 1 برەيكتەن (8 برەيك-پوينت) اسا المادى.
قازاقستاننىڭ بٸرٸنشٸ, ەلەمنٸڭ 12-راكەتكاسى ەلەنا رىباكينا بيىلعى اۋسترالييا اشىق چەمپيوناتىنىڭ ەكٸنشٸ اينالىمىندا جاراقاتىنا بايلانىستى ماتچتى جالعاستىرا الماي, وسى چ.شۋايعا جول بەرگەن ەدٸ.
يۋ.پۋتينتسەۆا دۋبايدا ٸرٸكتەۋ سايىستارىنىڭ فينالىنا شىعۋ ٷشٸن رەيتينگتە 99-ساتىداعى پولشا ٶكٸلٸ ماگدالەنا فرەشپەن تالاسادى.
تاعى بٸر قازاقستاندىق اننا دانيلينا العاشقى كەزدەسۋٸندە ۋكراينالىق دايانا ياسترەمسكايادان 5:7, 0:6 ەسەبٸمەن ۇتىلىپ قالدى.
ەرلەر اراسىندا اندرەي گولۋبەۆ دوحا ATP جارىسىنىڭ ٸرٸكتەۋ سايىسىندا سلوۆاكييالىق يوزەف كوۆاليككە جول بەردٸ – 4:6, 6:7 (2:7).
