Qazaqstannyń birinshi, álemniń 19-raketkasy, Tokio Olimpiadasynyń jartylai finalisi Elena Rybakina Tsintsinnati WTA 1000 týrnirin sátti bastady, dep habarlaidy "Ult aqparat".
Qazaqstandyq tennisshi alǵashqy ainalymda reitingte 186-orynda turǵan 37 jastaǵy aýstraliialyq US Open týrniriniń 2011 jylǵy jeńimpazy Samanta Stosýrmen kezdesti.
Qarsylastar shilde aiynda Tokio Olimpiadasynda oinap, onda Rybakina 6:4, 6:2 esebimen tize búktirgen bolatyn.
Bul joly birinshi partiiada qazaqstandyq sportshy breik jasap, sol basymdylyǵyn saqtap qaldy – 6:3.
Rybakina ekinshi setti de breikpen bastap, alǵa ketti – 2:0. Aqyry matchty jeńispen támamdady – 6:3.
Bir saǵattan astam ýaqytqa sozylǵan báseke barysynda qazaqstandyq tennisshi 8 eis jasap, 7 breik-pointtyń úsheýin paidalandy. Qarsylasy 3 eispen shekteldi. Ol breik jasai alǵan joq.
Rybakina ekinshi ainalymda álemniń 16-raketkasy, belgiialyq Eliza Mertenspen sheberlik baiqasady. Ol bastapqy kezdesýinde reitingte 38-satydaǵy argentinalyq Nadia Podoroskany 6:3, 6:4 esebimen utty.
