Qazaqstannyń birinshi, álemniń 22-raketkasy Elena Rybakina «Rolan Garros» týrniriniń tórtinshi ainalymyna shyqty, dep habarlaidy "Ult aqparat".
Frantsiia ashyq chempionatynyń 21-raketkasy bolyp tirkelgen E.Rybakina úshinshi ainalymda reseilik Elena Vesninamen kezdesti.
Qazaqstandyq tennisshi 6:1, 6:4 esebimen jeńiske jetti.
E.Rybakinanyń aiqyn basymdylyǵymen ótken báseke 1 saǵat 5 minýtqa sozyldy.
Qazaqstandyq sportshy match barysynda 12 eis jasap, 7 breik-pointtyń altaýyn paidalana aldy. Qarsylasy bir eis, bir breikpen shekteldi.
E.Rybakina shirek finalǵa shyǵý úshin amerikalyqtar, kezinde dúniejúzilik reitingte kósh bastaǵan, «Úlken dýlyǵa» týrnirleriniń 22 márte chempiony Serena Ýiliams nemese Daniel Kollinzdiń qai jeńgenimen talasady.
Osylaisha E.Rybakina óz sporttyq jolynda alǵash ret «Úlken dýlyǵa» týrniriniń tórtinshi ainalymyna ótip otyr.
