Qazaqstandyqtar Elena Rybakina men Iýliia Pýtintseva Melbýrnda ótip jatqan Grampians Trophy WTA 500 týrniriniń shirek finalyna shyǵa almady, dep habarlaidy "Ult aqparat".
Qazaqstannyń birinshi, álemniń 19-ynshy, osy jarystyń 4-raketkasy E.Rybakina ekinshi ainalymda álemdik reitingte 66-oryndaǵy chehiialyq Barbora Kreichikovamen sheberlik baiqasty.
Birinshi partiiany qazaqstandyq tennisshi breiktiń nátijesinde óz esebine jazdy – 6:4.
Ekinshi sette esep 1:1 bolǵan mezette B.Kreichikova breik jasap ketti – 2:1. Ol óz múmkindigin múlt jibergen joq – 6:2.
Sheshýshi tai-breikte B.Kreichikova eptilik kórsetti – 10:6.
Chehiialyq sportshy jarystyń jartylai finalyna shyǵý úshin álemniń 24-raketkasy, amerikalyq Djennifer Breidi nemese reitingte 78-orynda turǵan, ýkrainalyq 18 jastaǵy Marta Kostiýktyń bireýimen talasady.
Dúniejúzilik reitingte 28-orynda turǵan Iýliia Pýtintseva osy dodanyń ekinshi ainalymynda Aýstraliia ashyq chempionatynyń eki márte jeńimpazy, álemniń 13-inshi, osy dodanyń 3-raketkasy, Belarýs ókili Viktoriia Azarenkomen kezdesti.
Matchty óte sátti bastaǵan qazaqstandyq tennisshi 4:0 esebimen alǵa shyqty. Alaida budan keiin V.Azarenko qatarynan alty geimdi aldy – 6:4.
Ekinshi sette de Iu.Pýtintseva alǵa ketti – 2:0. Aqyry aiqyn basymdylyq tanyta aldy – 6:1.
Tai-breikte V.Azarenko jeńisti julyp aldy – 11:9.
Belarýs tennisshisi shirek finalda álemniń 23-raketkasy, estoniialyq Anett Kontaveit nemese reitingte 339-satydaǵy amerikalyq Betani Mattek-Sendstiń bireýimen kortqa shyǵady.
