قازاقستاندىقتار ەلەنا رىباكينا مەن يۋلييا پۋتينتسەۆا مەلبۋرندا ٶتٸپ جاتقان Grampians Trophy WTA 500 تۋرنيرٸنٸڭ شيرەك فينالىنا شىعا المادى, دەپ حابارلايدى "ۇلت اقپارات".
قازاقستاننىڭ بٸرٸنشٸ, ەلەمنٸڭ 19-ىنشى, وسى جارىستىڭ 4-راكەتكاسى ە.رىباكينا ەكٸنشٸ اينالىمدا ەلەمدٸك رەيتينگتە 66-ورىنداعى چەحييالىق باربورا كرەيچيكوۆامەن شەبەرلٸك بايقاستى.
بٸرٸنشٸ پارتييانى قازاقستاندىق تەننيسشٸ برەيكتٸڭ نەتيجەسٸندە ٶز ەسەبٸنە جازدى – 6:4.
ەكٸنشٸ سەتتە ەسەپ 1:1 بولعان مەزەتتە ب.كرەيچيكوۆا برەيك جاساپ كەتتٸ – 2:1. ول ٶز مٷمكٸندٸگٸن مٷلت جٸبەرگەن جوق – 6:2.
شەشۋشٸ تاي-برەيكتە ب.كرەيچيكوۆا ەپتٸلٸك كٶرسەتتٸ – 10:6.
چەحييالىق سپورتشى جارىستىڭ جارتىلاي فينالىنا شىعۋ ٷشٸن ەلەمنٸڭ 24-راكەتكاسى, امەريكالىق دجەننيفەر برەيدي نەمەسە رەيتينگتە 78-ورىندا تۇرعان, ۋكراينالىق 18 جاستاعى مارتا كوستيۋكتىڭ بٸرەۋٸمەن تالاسادى.
دٷنيەجٷزٸلٸك رەيتينگتە 28-ورىندا تۇرعان يۋلييا پۋتينتسەۆا وسى دودانىڭ ەكٸنشٸ اينالىمىندا اۋسترالييا اشىق چەمپيوناتىنىڭ ەكٸ مەرتە جەڭٸمپازى, ەلەمنٸڭ 13-ٸنشٸ, وسى دودانىڭ 3-راكەتكاسى, بەلارۋس ٶكٸلٸ ۆيكتورييا ازارەنكومەن كەزدەستٸ.
ماتچتى ٶتە سەتتٸ باستاعان قازاقستاندىق تەننيسشٸ 4:0 ەسەبٸمەن العا شىقتى. الايدا بۇدان كەيٸن ۆ.ازارەنكو قاتارىنان التى گەيمدٸ الدى – 6:4.
ەكٸنشٸ سەتتە دە يۋ.پۋتينتسەۆا العا كەتتٸ – 2:0. اقىرى ايقىن باسىمدىلىق تانىتا الدى – 6:1.
تاي-برەيكتە ۆ.ازارەنكو جەڭٸستٸ جۇلىپ الدى – 11:9.
بەلارۋس تەننيسشٸسٸ شيرەك فينالدا ەلەمنٸڭ 23-راكەتكاسى, ەستونييالىق انەتت كونتاۆەيت نەمەسە رەيتينگتە 339-ساتىداعى امەريكالىق بەتاني ماتتەك-سەندستٸڭ بٸرەۋٸمەن كورتقا شىعادى.
