Qazaqstannyń – 1-shi, álemniń 16-raketkasy Elena Rybakina Indian-Ýells (AQSh) WTA 1000 týrniriniń juptyq synynda shirek finalǵa shyqty, dep habarlaidy QazAqparat.
Rybakina reseilik Veronika Kýdermetovamen birge ekinshi ainalymda chililik Aleksa Gýarachi – amerikalyq Dezire Kravchikpen sheberlik baiqasty.
Qazaqstandyq-reseilik jup birinshi partiiada basymdylyq tanytty – 6:3.
Ekinshi sette tai-breikte chililik-amerikalyq juptyń joly boldy – 7:6 (7:2).
Sýper tai-breikte Rybakina men Kýdermetova qarsylastaryna birde-bir upai bergen joq – 10:0.
Qazaqstandyq-reseilik jup 1 saǵat 43 minýtqa sozylǵan tartysty match barysynda 3 eis jasap, 10 breik-pointtyń tórteýin paidalandy. Qarsylastary 2 breikten (7 breik-point) asa almady.
Rybakina men Kýdermetova jartylai finalǵa shyǵý úshin chehiialyqtar Mariia Boýzkova – Lýtsiia Gradetskaiamen talasady.
