Qazaqstannyń birinshi, álemniń 20-raketkasy Elena Rybakina Indian-Ýells WTA 1000 týrniriniń tórtinshi ainalymyna shyqty, dep habarlaidy QazAqparat.
Qazaqstandyq tennisshi úshinshi ainalymda kezinde dúniejúzilik reitingte kósh bastaǵan, qazir álemniń 15-raketkasy, Aýstraliia ashyq chempionatynyń eki dúrkin chempiony, osy jarystyń ótken jylǵy finalisi, Belarýs ókili Viktoriia Azarenkomen sheberlik baiqasty.
Qarsylastar buǵan deiin kezdespegen edi.
Rybakina saǵat jarymnan astam ýaqytqa sozylǵan matchta 6:3, 6:4 esebimen jeńiske jetti. Ekinshi sette Azarenko meditsinalyq kómekke de júgindi.
Qazaqstandyq tennisshi 5 eis jasap, 8 breik-pointtyń ekeýin paidalandy. Belarýs sportshysy 3 eispen shekteldi.
Rybakina júlde qory 8,4 mln AQSh dollaryna baǵalanǵan dodanyń shirek finalyna shyǵý úshin álemniń 51-raketkasy, shveitsariialyq Viktoriia Golýbichpen talasady. Ol osy jarystyń ekinshi ainalymynda taǵy bir qazaqstandyq Iýliia Pýtintsevany utyp ketken edi.
