تەننيس: رىباكينا ينديان-ۋەللستە اۋسترالييانىڭ ەكٸ دٷركٸن چەمپيونىن جەڭدٸ

قازاقستاننىڭ بٸرٸنشٸ, ەلەمنٸڭ 20-راكەتكاسى ەلەنا رىباكينا ينديان-ۋەللس WTA 1000 تۋرنيرٸنٸڭ تٶرتٸنشٸ اينالىمىنا شىقتى, دەپ حابارلايدى قازاقپارات.

قازاقستاندىق تەننيسشٸ ٷشٸنشٸ اينالىمدا كەزٸندە دٷنيەجٷزٸلٸك رەيتينگتە كٶش باستاعان, قازٸر ەلەمنٸڭ 15-راكەتكاسى, اۋسترالييا اشىق چەمپيوناتىنىڭ ەكٸ دٷركٸن چەمپيونى, وسى جارىستىڭ ٶتكەن جىلعى فيناليسٸ, بەلارۋس ٶكٸلٸ ۆيكتورييا ازارەنكومەن شەبەرلٸك بايقاستى.

قارسىلاستار بۇعان دەيٸن كەزدەسپەگەن ەدٸ.

رىباكينا ساعات جارىمنان استام ۋاقىتقا سوزىلعان ماتچتا 6:3, 6:4 ەسەبٸمەن جەڭٸسكە جەتتٸ. ەكٸنشٸ سەتتە ازارەنكو مەديتسينالىق كٶمەككە دە جٷگٸندٸ.

قازاقستاندىق تەننيسشٸ 5 ەيس جاساپ, 8 برەيك-پوينتتىڭ ەكەۋٸن پايدالاندى. بەلارۋس سپورتشىسى 3 ەيسپەن شەكتەلدٸ.

رىباكينا جٷلدە قورى 8,4 ملن اقش دوللارىنا باعالانعان دودانىڭ شيرەك فينالىنا شىعۋ ٷشٸن ەلەمنٸڭ 51-راكەتكاسى, شۆەيتسارييالىق ۆيكتورييا گولۋبيچپەن تالاسادى. ول وسى جارىستىڭ ەكٸنشٸ اينالىمىندا تاعى بٸر قازاقستاندىق يۋلييا پۋتينتسەۆانى ۇتىپ كەتكەن ەدٸ.