Qazaqstandyq Iýliia Pýtintseva Parijde Rolan Garros týrniriniń ekinshi ainalymyna shyǵa almady, dep habarlaidy "Ult aqparat".
Dúniejúzilik reitingte 43-orynda turǵan Iu.Pýtintseva alǵashqy ainalymda álemniń 26-raketkasy, Týnis ókili Ons Jabermen kezdesti.
Birinshi partiiada O.Jaber 7:5 esebimen basym tústi.
Týnis tennisshisi ekinshi sette tipti bet qaratpady – 5:0. Budan keiin qazaqstandyq sportshy qatarynan eki geim alǵanymen, O.Jaber matchty taǵy bir breikpen túiindedi – 6:2.
Báseke 1 saǵat 19 minýtqa sozyldy.
Osylaisha Frantsiia ashyq chempionatynda Qazaqstannan jekelei synda Elena Rybakina men Zarina Diias qaldy.
Qazaqstannyń birinshi, álemniń 22-raketkasy E.Rybakina ekinshi ainalymda reitingte 82-satydaǵy japoniialyq Nao Hibinomen sheberlik baiqasady. Al Z.Diias álemniń 15-raketkasy, belgiialyq Eliza Mertenspen kortqa shyǵady.
Eske sala keteiik, budan buryn Zarina Diiastyń Rolan Garros týrniriniń ekinshi ainalymyna shyqqanyn, Aleksandr Býbliktiń álemniń ekinshi raketkasyna ese jibergenin jazǵan bolatynbyz.
