Qazaqstannyń birinshi, álemniń 37-raketkasy Iýliia Pýtintseva Beijiń WTA týrniriniń úshinshi ainalymyna shyǵa almady, dep habarlaidy "Ult aqparat".
Iu.Pýtintseva ekinshi ainalymda álemniń 1-raketkasy, aýstraliialyq Eshli Bartimen kúsh synasty.
Qarsylastar birinshi partiiany breik almasýmen bastady. Budan keiin taǵy bir breik jasaǵan E.Barti sol basymdylyǵyn saqtai aldy – 6:4.
Ekinshi sette esep 2:2 bolǵan mezette aýstraliialyq tennisshi breik jasap ketti. Taǵy bir breik – 5:2. Aqyry ol matchqa dop bergende, óz múmkindigin múlt jibergen joq – 6:2.
Báseke 1 saǵat 17 minýtqa sozyldy.
E.Barti shirek finalǵa shyǵý úshin álemniń 12-raketkasy, amerikalyq Sloan Stivens nemese dúniejúzilik reitingte 39-orynda turǵan qytailyq Chjen Saisaidyń bireýimen talasady.
Júlde qory 8,3 mln-ǵa jýyq AQSh dollaryna baǵalanǵan jarys 6 qazan kúni márege jetedi.
Eske sala keteiik, budan buryn Aleksandr Býbliktiń Qazaqstannyń 1-raketkasy atanǵanyn jazǵan bolatynbyz.
