Qazaqstandyq Aleksandr Nedovesov ýkrainalyq Denis Molchanovpen birge juptyq synda Antaliia 2 chellendjer týrniriniń jartylai finalyna shyqty, dep habarlaidy QazAqparat tilshisi.
Qazaqstandyq-ýkrainalyq jup shirek finalda venesýelalyq David Lýis Martines – germaniialyq Daniel Altmaiermen kúsh synasty.
Osy dodanyń 3-raketkasy bolyp tirkelgen A.Nedovesov pen D.Molchanov 7:5, 6:3 esebimen jeńiske jetti.
Báseke 1 saǵat 22 minýtqa sozyldy.
A.Nedovesov pen D.Molchanovtyń jartylai finaldaǵy qarsylasy keiin anyqtalady.
Jekelei synda taǵy bir qazaqstandyq Dmitrii Popko argentinalyq Fakýndo Bagniske 1:6, 2:6 esebimen ese jiberip, shirek finalǵa shyǵa almady.
Bul – Antaliiada chellendjer seriiasynda ótip jatqan ekinshi týrnir. Budan buryn qazaqstandyq-ýkrainalyq jup osyndai dodada jeńimpaz atanǵan bolatyn.
Eske sala keteiik, budan buryn Aýstraliia ashyq chempionatynyń keiinge qaldyrylmaitynyn jazǵan bolatynbyz.
