قازاقستاندىق الەكساندر نەدوۆەسوۆ ۋكراينالىق دەنيس مولچانوۆپەن بٸرگە جۇپتىق سىندا انتالييا 2 چەللەندجەر تۋرنيرٸنٸڭ جارتىلاي فينالىنا شىقتى, دەپ حابارلايدى قازاقپارات تٸلشٸسٸ.
قازاقستاندىق-ۋكراينالىق جۇپ شيرەك فينالدا ۆەنەسۋەلالىق داۆيد لۋيس مارتينەس – گەرمانييالىق دانيەل التمايەرمەن كٷش سىناستى.
وسى دودانىڭ 3-راكەتكاسى بولىپ تٸركەلگەن ا.نەدوۆەسوۆ پەن د.مولچانوۆ 7:5, 6:3 ەسەبٸمەن جەڭٸسكە جەتتٸ.
بەسەكە 1 ساعات 22 مينۋتقا سوزىلدى.
ا.نەدوۆەسوۆ پەن د.مولچانوۆتىڭ جارتىلاي فينالداعى قارسىلاسى كەيٸن انىقتالادى.
جەكەلەي سىندا تاعى بٸر قازاقستاندىق دميتريي پوپكو ارگەنتينالىق فاكۋندو باگنيسكە 1:6, 2:6 ەسەبٸمەن ەسە جٸبەرٸپ, شيرەك فينالعا شىعا المادى.
بۇل – انتالييادا چەللەندجەر سەريياسىندا ٶتٸپ جاتقان ەكٸنشٸ تۋرنير. بۇدان بۇرىن قازاقستاندىق-ۋكراينالىق جۇپ وسىنداي دودادا جەڭٸمپاز اتانعان بولاتىن.
ەسكە سالا كەتەيٸك, بۇدان بۇرىن اۋسترالييا اشىق چەمپيوناتىنىڭ كەيٸنگە قالدىرىلمايتىنىن جازعان بولاتىنبىز.
