Qazaqstandyq, álemniń 168-raketkasy Dmitrii Popko Antaliia chellendjer týrniriniń ekinshi ainalymyna shyqty, dep habarlaidy "Ult aqparat".
Qazaqstandyq tennisshi alǵashqy kezdesýin dúniejúzilik reitingte 237-orynda turǵan argentinalyq Fakýndo Menamen ótkizdi.
Qazaqstan tennis federatsiiasy málim etkenindei, D.Popko 1 saǵat 46 minýtqa sozylǵan matchta 7:6 (7:4), 6:3 esebimen jeńiske jetti. Ol eki ret eis jasap, tórt márte breikke qol jetkizdi.
D.Popko shirek finalǵa shyǵý úshin álemniń 127-inshi, osy dodanyń 6-raketkasy, taǵy bir argentinalyq Fakýndo Bagnispen kúsh synasady.
Qazaqstandyq tennisshi biyl jaraqatyna bailanysty jarystarǵa, sonyń ishinde Aýstraliia ashyq chempionatynyń irikteý saiysyna qatysa almai, reitingidegi orny tómendep ketken bolatyn.
D.Popko ekinshi ainalymǵa shyǵý arqyly 730 AQSh dollaryn taýyp, Kásipqoi tennisshiler qaýymdastyǵynyń (ATP) reitingisi úshin 7 upaiǵa qol jetkizdi.
