قازاقستاندىق, ەلەمنٸڭ 168-راكەتكاسى دميتريي پوپكو انتالييا چەللەندجەر تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".
قازاقستاندىق تەننيسشٸ العاشقى كەزدەسۋٸن دٷنيەجٷزٸلٸك رەيتينگتە 237-ورىندا تۇرعان ارگەنتينالىق فاكۋندو مەنامەن ٶتكٸزدٸ.
قازاقستان تەننيس فەدەراتسيياسى مەلٸم ەتكەنٸندەي, د.پوپكو 1 ساعات 46 مينۋتقا سوزىلعان ماتچتا 7:6 (7:4), 6:3 ەسەبٸمەن جەڭٸسكە جەتتٸ. ول ەكٸ رەت ەيس جاساپ, تٶرت مەرتە برەيككە قول جەتكٸزدٸ.
د.پوپكو شيرەك فينالعا شىعۋ ٷشٸن ەلەمنٸڭ 127-ٸنشٸ, وسى دودانىڭ 6-راكەتكاسى, تاعى بٸر ارگەنتينالىق فاكۋندو باگنيسپەن كٷش سىناسادى.
قازاقستاندىق تەننيسشٸ بيىل جاراقاتىنا بايلانىستى جارىستارعا, سونىڭ ٸشٸندە اۋسترالييا اشىق چەمپيوناتىنىڭ ٸرٸكتەۋ سايىسىنا قاتىسا الماي, رەيتينگٸدەگٸ ورنى تٶمەندەپ كەتكەن بولاتىن.
د.پوپكو ەكٸنشٸ اينالىمعا شىعۋ ارقىلى 730 اقش دوللارىن تاۋىپ, كەسٸپقوي تەننيسشٸلەر قاۋىمداستىعىنىڭ (ATP) رەيتينگٸسٸ ٷشٸن 7 ۇپايعا قول جەتكٸزدٸ.
