Qazaqstandyqtar Aleksandr Býblik pen Andrei Golýbev juptyq synda Rolan Garros týrnirin sátti bastady, dep habarlaidy "Ult aqparat".
Qazaqstandyq jup alǵashqy ainalymda frantsiialyqtar Sado Dýmbiia – Faben Rebýlmen kortqa shyqty.
Birinshi partiiada A.Býblik pen A.Golýbev tai-breikte ábjildik tanytty – 7:6 (9:7).
Ekinshi sette qazaqstandyq jup 5:0 esebimen alǵa ketti. Aqyry matchty jeńispen túiindedi – 6:1.
Báseke 1 saǵat 17 minýtqa sozyldy.
A.Býblik pen A.Golýbev ekinshi ainalymda Frantsiia ashyq chempionatynyń 5-raketkalary, horvatiialyq Ivan Dodig – slovakiialyq Filip Polashek nemese argentinalyq Andres Molteni – daniialyq Frederik Nilsen juptarynyń qai jeńgenimen kezdesedi.
