Qazaqstannyń birinshi, álemniń 35-raketkasy Aleksandr Býblik Monpele (Frantsiia) ATP 250 týrnirin jeńispen bastady, dep habarlaidy QazAqparat.
Osy jarystyń 6-raketkasy bolyp tirkelgen A.Býblik alǵashqy kezdesýin álemdik reitingte 62-orynda turǵan niderlandylyq Tallon Grikspýrmen ótkizdi.
Tai-breikke deiin barǵan eki sette qazaqstandyq tennisshi sheshýshi sátterde sátti oinai bildi – 7:6 (7:4), 7:6 (7:5).
Eki saǵatqa jýyq ýaqytqa sozylǵan tartysty matchta A.Býblik 20 eis jasap, 9 breik-pointtyń bireýin ǵana paidalana aldy. Qarsylasy 9 eis, 1 breikpen (2 breik-point) shekteldi.
A.Býblik ekinshi ainalymda álemniń 96-raketkasy, germaniialyq Peter Goevchik nemese reitingte 113-satydaǵy frantsiialyq Per-Iýg Erberdiń bireýimen kúsh synasady.
Taǵy bir qazaqstandyq Mihail Kýkýshkin irikteý saiystarynyń finalynda dál osy Erberge ese jiberip, negizgi dodaǵa qosyla almai qalǵan bolatyn.
Júlde qory 430 myń eýroǵa jýyqtaityn Monpele jarysy 6 aqpanda márege jetedi.
