قازاقستاننىڭ بٸرٸنشٸ, ەلەمنٸڭ 35-راكەتكاسى الەكساندر بۋبليك مونپەلە (فرانتسييا) ATP 250 تۋرنيرٸن جەڭٸسپەن باستادى, دەپ حابارلايدى قازاقپارات.
وسى جارىستىڭ 6-راكەتكاسى بولىپ تٸركەلگەن ا.بۋبليك العاشقى كەزدەسۋٸن ەلەمدٸك رەيتينگتە 62-ورىندا تۇرعان نيدەرلاندىلىق تاللون گريكسپۋرمەن ٶتكٸزدٸ.
تاي-برەيككە دەيٸن بارعان ەكٸ سەتتە قازاقستاندىق تەننيسشٸ شەشۋشٸ سەتتەردە سەتتٸ ويناي بٸلدٸ – 7:6 (7:4), 7:6 (7:5).
ەكٸ ساعاتقا جۋىق ۋاقىتقا سوزىلعان تارتىستى ماتچتا ا.بۋبليك 20 ەيس جاساپ, 9 برەيك-پوينتتىڭ بٸرەۋٸن عانا پايدالانا الدى. قارسىلاسى 9 ەيس, 1 برەيكپەن (2 برەيك-پوينت) شەكتەلدٸ.
ا.بۋبليك ەكٸنشٸ اينالىمدا ەلەمنٸڭ 96-راكەتكاسى, گەرمانييالىق پەتەر گوەۆچيك نەمەسە رەيتينگتە 113-ساتىداعى فرانتسييالىق پەر-يۋگ ەربەردٸڭ بٸرەۋٸمەن كٷش سىناسادى.
تاعى بٸر قازاقستاندىق ميحايل كۋكۋشكين ٸرٸكتەۋ سايىستارىنىڭ فينالىندا دەل وسى ەربەرگە ەسە جٸبەرٸپ, نەگٸزگٸ دوداعا قوسىلا الماي قالعان بولاتىن.
جٷلدە قورى 430 مىڭ ەۋروعا جۋىقتايتىن مونپەلە جارىسى 6 اقپاندا مەرەگە جەتەدٸ.
