Qazaqstannyń birinshi, álemniń 35-raketkasy Aleksandr Býblik Máskeýdegi Kreml kýbogy ATP 250 týrniriniń ekinshi ainalymyna shyǵa almady, dep habarlaidy QazAqparat.
Qazaqstandyq tennisshi alǵashqy ainalymda dúniejúzilik reitingte 164-orynda turǵan ýkrainalyq Ilia Marchenkomen kezdesti.
Jarysqa irikteý saiystarynan keiin qosylǵan ýkrainalyq sportshy 6:4, 6:3 esebimen jeńiske jetti.
1 saǵat 21 minýtqa sozylǵan kezdesýde Marchenko 6 eis jasap, 8 breik-pointtyń úsheýin paidalana bildi.
Býblik 10 eispen ǵana erekshelendi.
Marchenko shirek finalǵa shyǵý úshin álemniń 62-raketkasy, aýstraliialyq Djon Millmanmen talasady.
