Arnaiy jumys toby ótkizgen zertteý sharalary nátijesinde 99 munai-servistik kompaniiada jumystan bosatý qaýpi bar ekeni anyqtaldy. Bul mekemelerde 44 myńǵa jýyq adam jumys isteidi. Búginde ministrliktiń qoldaýyn qajet etetin jumysshylardyń úsh toby anyqtalyp otyr. Bul týraly úkimettiń kezekti otyrysynda QR Densaýlyq jáne áleýmettik damý ministri Tamara Dúisenova aitty, dep xabarlaidy "Ult aqparat" Baq.kz portalyna silteme jasap.
«Birinshi topta 1239 adam bar. Olar 52 kásiporynda qyzmet etip, biyl jumystan shyǵarylǵan bolatyn. Atalǵan jumysshylardyń basym bóligi Aqtóbe men Mańǵystaý oblystarynda», - dedi T.Dúisenova.
Ministrdiń sózine qaraǵanda, osy ýaqytqa deiin san alýan baǵdarlamalar boiynsha jumyssyz qalǵan 325 adam turaqty jumys tapty. 355-si qaita daiarlaý kýrstarynan ótti. Olardyń ishinde ýaqytsha jumysqa turǵandar da bar. Taǵy 100 adam ózdigimen jumys taýyp aldy. Qazirgi kezde qalǵan 500 adamdy jumysqa ornalastyrý jumystary jalǵasyp jatyr.
«Ekinshi topqa 22 kásiporynnyń jumysshylary kirdi. Sebebi olardyń jumysy turaqsyz kestege aýystyryldy. Olardyń 1316-sy jumys istemeidi. Óitkeni kásiporyndardyń jumysy toqtaǵan. 1290-y merzimsiz demalysqa jiberilse, 594-i tolyqqandy jumys istep jatqan joq», - dedi ministr xanym.
Al úshinshi topqa aldaǵy ýaqytta jumyssyz qalady-aý degen azamattar enip otyr. Olardyń barlyǵy – Atyraý oblysyndaǵy kásiporyndardyń jumysshylary. Aldaǵy eki jylda atalǵan oblysta 3 804 adam jumyssyz qalady degen boljam bar.
Ministr T.Dúisenovanyń aitýynsha, aldaǵy ýaqytta Teńizshevroildy keńeitý jobasy aiasynda qosymsha 20 myń jańa jumys ornyn ashý josparlanyp otyr. Osynyń esebinen jumyssyz qalǵan azamattardy qyzmetke turǵyzý josparlanǵan. Budan bólek, indýstriialdyq-innovatsiialyq baǵdarlama men jumyspen qamtýdyń basqa da sharalaryn qoldaný qarastyrylyp otyr.
.jpeg)