Atyraý oblysynyń ákimi Serik Shápkenov Teńiz ken ornynda bolǵan apatty jaǵdaiǵa bailanysty shuǵyl jiyn ótkizdi, dep habarlaidy Ulysmedia.kz.
Serik Shápkenov qaza bolǵan jumysshylardyń jaqyn týystaryna qaiǵyryp kóńil aityp, qaza tapqandar men zardap shekkenderdiń otbasylaryna qajetti materialdyq kómek kórsetiletinin jetkizdi. Sondai-aq aimaq basshysy oblystyq densaýlyq saqtaý basqarmasynyń basshysyna jaraqat alǵan jumysshylarǵa meditsinalyq kómek kórsetýdi tapsyrdy. Apattyń sebep-saldaryn anyqtaý maqsatynda oblystyq deńgeide arnaiy komissiia qurylyp, zań aiasynda jumystar júrgiziledi.
6 shildede 10:30 shamasynda Jylyoi aýdanyndaǵy Teńiz ken ornynda qubyrǵa synaq jasalyp, atmosferalyq gaz jiberilgen. Qysymdy kótere almaǵan qubyr jarylyp, 1985 jylǵy eki jumysshy oqiǵa ornynda qaitys boldy. Taǵy úsh adam dene jaraqattaryn alǵan.
Jarylystan zardap shekken jumysshynyń bireýi «Teńizshevroil» JShS-ne qarasty ushaqpen Atyraý oblystyq aýrýhanasyna jetkizildi. Taǵy bireýi Jyloi aýdandyq aýrýhanasyna tústi.
