اتىراۋ وبلىسىنىڭ ەكٸمٸ سەرٸك شەپكەنوۆ تەڭٸز كەن ورنىندا بولعان اپاتتى جاعدايعا بايلانىستى شۇعىل جيىن ٶتكٸزدٸ, دەپ حابارلايدى Ulysmedia.kz.
سەرٸك شەپكەنوۆ قازا بولعان جۇمىسشىلاردىڭ جاقىن تۋىستارىنا قايعىرىپ كٶڭٸل ايتىپ, قازا تاپقاندار مەن زارداپ شەككەندەردٸڭ وتباسىلارىنا قاجەتتٸ ماتەريالدىق كٶمەك كٶرسەتٸلەتٸنٸن جەتكٸزدٸ. سونداي-اق ايماق باسشىسى وبلىستىق دەنساۋلىق ساقتاۋ باسقارماسىنىڭ باسشىسىنا جاراقات العان جۇمىسشىلارعا مەديتسينالىق كٶمەك كٶرسەتۋدٸ تاپسىردى. اپاتتىڭ سەبەپ-سالدارىن انىقتاۋ ماقساتىندا وبلىستىق دەڭگەيدە ارنايى كوميسسييا قۇرىلىپ, زاڭ اياسىندا جۇمىستار جٷرگٸزٸلەدٸ.
6 شٸلدەدە 10:30 شاماسىندا جىلىوي اۋدانىنداعى تەڭٸز كەن ورنىندا قۇبىرعا سىناق جاسالىپ, اتموسفەرالىق گاز جٸبەرٸلگەن. قىسىمدى كٶتەرە الماعان قۇبىر جارىلىپ, 1985 جىلعى ەكٸ جۇمىسشى وقيعا ورنىندا قايتىس بولدى. تاعى ٷش ادام دەنە جاراقاتتارىن العان.
جارىلىستان زارداپ شەككەن جۇمىسشىنىڭ بٸرەۋٸ «تەڭٸزشەۆرويل» جشس-نە قاراستى ۇشاقپەن اتىراۋ وبلىستىق اۋرۋحاناسىنا جەتكٸزٸلدٸ. تاعى بٸرەۋٸ جىلوي اۋداندىق اۋرۋحاناسىنا تٷستٸ.
