Atyraý oblysynyń Jylyoi aýdanyndaǵy Teńiz kenishinde indet juqtyrǵandar 32 adamǵa kóbeidi, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, ótken táýlikte 49 adamnan koronavirýs indeti anyqtalǵan.
«Qaýipti indetke shaldyqqan 12 naýqas Atyraý qalasynda tirkeldi. Al Teńiz kenishinde 32 jumysshy koronavirýs juqtyrdy. Sondai-aq, Jylyoi aýdanynda 4, Qurmanǵazy aýdanynda 1 adamnan Sovid-19 indeti tabyldy. Onyń ishinde 20 naýqasta indet simptomdy túrde ótýde. Ótken táýlikte koronavirýs infektsiiasynan 41 adam emdelip shyqty» -dep habarlady basqarmanyń baspasóz qyzmeti.
Qazir úi jaǵdaiynda 228 adam emdelip jatyr. Oblystyq infektsiialyq statsionarda 86, aýdandardaǵy statsionarda 13, Teńiz kenishindegi statsionarda em qabyldap jatqan naýqastar 342 adamǵa jetti.
