Teńiz kenishinde 10 myńnan astam adam vaktsina saldyrdy, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń málimetinshe, biylǵy sáýirde «Teńizshevroil» kompaniiasyna «Spýtnik V» vaktsinasynyń 15 myń dozasy jetkizilgen. Qazir ken ornynda koronavirýs infektsiiasyna qarsy vaktsina saldyrýǵa 15 myń adam niet bildirgen.
«Vaktsinalaý erikti júzege asyrylyp jatyr. Osy kezge deiin vaktsinanyń I komponentin 10 myńnan astam adam saldyrdy. «Teńizshevroil» men seriktester qyzmetkerleri 11 mamyrdan bastap Atyraý, Qulsary, Nur-Sultan, Almaty, Oral, Shymkent, Aqtóbe, Aqtaý jáne Jańaózen qalalaryndaǵy «Mediker» ortalyqtarynan vaktsina saldyra alady», - dedi basqarmadan.
