Teńiz ken ornynda 7 myń jumysshy ózge jobalarǵa jumysqa alynady, dep habarlaidy QazAqparat.
Búgin bul týraly oblys ákimi Mahambet Dosmuhambetovtiń tóraǵalyǵymen ótken jiynda belgili boldy. Áleýmettik áriptestik pen áleýmettik jáne eńbek qatynastaryn retteý jónindegi oblystyq úsh jaqty komissiia otyrysynda «Teńizshevroil» JShS-niń merdiger kompaniialarynan qyzmetkerlerdiń bosatylýy jáne olardy jumysqa ornalastyrý, sondai-aq, eńbek ujymdary arasyndaǵy eńbek daýlaryn boldyrmaý men eńbek qatynastarynyń jaǵdaiy jónindegi máseleler qaraldy.
«Teńizshevroil» JShS-niń Úkimetpen jáne jurtshylyqpen bailanys bóliminiń bas menedjeri Rizabek Artyǵalievtyń aitýynsha, Keleshek keńeiý jobasynyń aiaqtalýyna bailanysty jyl sońyna deiin bosatylatyn jumysshylardyń 7 myńnan astamyn kompaniia ózindegi ózge jobalarǵa jumysqa alýdy qarastyryp otyr.
Oblystyq memlekettik eńbek inspektsiiasy basqarmasynyń basshysy Igilik Áýbákirovtiń málimetinshe byltyrǵy aqpanynan búginge deiin eńbek táýekeldiginde 56 mekeme bolǵan. Onyń ishinde 49 kompaniiadaǵy eńbek daýlary sheshimin tapqan. Qazir 52 jumysshynyń aldyndaǵy 8 mln teńge bereshegi bar 3 mekememen jumystar júrgizilip jatyr.
«Keleshek keńeiý jobasynan jyl sońyna deiin bosatylatyn jumysshylardan basqa jumysqa aýystyrylatyndardyń tizimin ákimdikke ýaqytyly usyný kerek. Jobadan bosatylatyn jumysshylardyń aty-jóni, qujaty, mamandyǵy, meken-jaiy, bailanys nómiri kórsetilgen tizimin bir ai buryn, al naqty bosatylǵan jumysshylardyń tizimin ár aidyń basynda berilgeni jón. Aldaǵy ailarda bosatylatyn jumysshylardy merdigerlik mekemelerge jumysqa ornalasýyna yqpal etińizder. Jumysqa ornalastyrý kezinde jergilikti turǵyndarǵa basymdyq berý jaǵyn da oilastyrý kerek. Merdiger, qosalqy merdiger kompaniialarda jalaqy tólemeýge jol bermeýdi, zań buzýshylyqtardy boldyrmaýdy qatań baqylaýda ustap, jumysshylar arasynda narazylyq týdyrmaý úshin naqty is-sharalardy qolǵa alý qajet», - dedi Mahambet Dosmuhambetov.
