Qarjy ministrligi «TengriBank» AQ basqarma tóraǵasynyń burynǵy orynbasary Baqtiiar Iliiasov pen sol banktiń «TengriBank» AQ Almaty filialynyń direktorynyń burynǵy orynbasary Áset Jádikovtyń ustalǵanyn rastady, dep habarlaidy "Ult aqparat".
Ustalǵan adamdar iri kólemde qarajat jymqyrdy degen kúdikke ilinip otyr.
Eske sala ketsek QR QM Qarjy monitoringi komitetiniń tóraǵasy Janat Elimanov Tengri Bank-tiń litsenziiasynan aiyrylýyna qatysty pikir bildirgen bolatyn.
«Ekonomikalyq tergeýler qyzmeti óndirisinde Tengri Bank basshylyǵyna qatysty is joq. Bul isti basqa organdar tergep jatyr. Sondyqtan eshqandai pikir bildire almaimyn. Bul salada ol basqa organdardyń quziretine kiredi. Is bas prokýratýranyń, arnaýly prokýrorlardyń óndirisinde. Qazirgi ýaqytta bul istiń qaida jatqany maǵan belgisiz», - dedi ol Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
«Tengri Bank» AQ salymshylaryna bes kún ishinde 10,7 mlrd teńge tólengen.
