2017 jylǵy 13 naýryzda «Tengri Bank» AQ pen «Capital Bank Kazakhstan» AQ aktsionerleri arasynda eki qarjy institýtyn biriktirý nieti týraly memorandýmǵa qol qoiyldy, dep jazady «Tengri Bank» AQ baspasóz qyzmeti.
Birikken bank Qazaqstan Respýblikasynyń qarjy naryǵynda óz ustanymdaryn aitarlyqtai nyǵaitady degen boljam bar. Bankterdiń shoǵyrlandyrylǵan kapitaly 43,2 mlrd teńgeni quraidy, bul EDB reitinginde 17 orynǵa kóterilýge múmkindik beredi. Biriktirilgen bank kapitalynyń jetkiliktilik normativi 19% jetedi, bul eń tómengi ruqsat etilgen-deńgeiden 2,4 ese joǵary.
Bul oqiǵa eń aldymen eki bank depozitarlarynyń múddesi úshin jasalyp otyr jáne jalpy biznesti damytý ári bankter málimdegen strategiialyq mindetterdi oryndaý úshin úlken sinergetikalyq nátijege qol jetkizedi.
Qazaqstan Respýblikasynyń naryǵynda banktik institýttardy shoǵyrlandyrý esebinen irilendirý eki banktiń de strategiiasynda kózdelgen bolatyn. Kelissózderdiń nátijeli aiaqtalýy bolashaqta osy baǵytty ári qarai damytýǵa múmkindik beredi.
Qarjy institýttaryn qaita uiymdastyrý Qazaqstan Respýblikasynyń zańnamasy jáne halyqaralyq standart talaptaryna sáikes júrgiziletin bolady.
Qazirgi sátte «Tengri Bank» AQ pen «Capital Bank Kazakhstan» AQ korporativtik qarjylandyrý jáne jeke tulǵalarǵa qyzmet kórsetý boiynsha bank qyzmetteriniń tolyq keshenin kórsetedi.
2016 jylǵy jeltoqsanda S&P Global Ratings halyqaralyq reiting agenttigi «Tengri Bank» AQ-tyń «B+» deńgeiinde uzaq merzimdi kredit reitingin rastady, al 2016 jylǵy naýryzda «Capital Bank Kazakhstan» AQ-tyń «B-» deńgeiinde uzaq merzimdi kredit reitingin rastady. Bul reitingter bankterdiń turaqty qarjylyq ahýalyn kórsetedi.
