Qazaqstan Úkimeti men Ulttyq Bank teńgedegi salymdardy qorǵaý baǵdarlamasy jóninde birlesken málimdeme jasady, - dep habarlaidy "Ult aqparat" primeminister.kz saityna silteme jasap.
"Qarjy naryqtaryndaǵy geosaiasi táýekelder men qubylmalylyqqa bailanysty qarjy naryǵynyń turaqtylyǵyn qamtamasyz etý jáne teńgedegi depozitterdiń tartymdylyǵyn qoldaý úshin Qazaqstan Respýblikasynyń Ulttyq banki QR Úkimetimen birlesip biýdjet qarajatynyń esebinen jeke tulǵalar depoziti boiynsha ótemaqy (syilyqaqy) esepteýdi kózdeitin teńgedegi salymdardy qorǵaý baǵdarlamasyn iske asyrady", - delingen habarlamada.
Baǵdarlamaǵa 2022 jylǵy 23 aqpandaǵy jaǵdai boiynsha salymdarǵa kepildik berý júiesine qatysýshy – bir nemese birneshe ekinshi deńgeidegi bankte jáne "Otbasy bank" aktsionerlik qoǵamynda ashylǵan jeke tulǵalardyń teńgedegi salymdary qatysady. Baǵdarlama aǵymdaǵy jáne kartochkalyq shottarǵa, sondai-aq talap etilgenge deiingi depozitterge jáne shartty depozitterge qoldanylmaidy.
"10 paiyz mólsherindegi ótemaqy (syilyqaqy) árbir bankte 1 adamǵa 2022 jylǵy 23 aqpandaǵy qaldyqtar shegindegi jalpy somada, biraq baǵdarlamany iske asyrý bastalǵan kezden bastap 12 aidan keiin 20 million teńgeden aspaityn somadaǵy (salymnyń naqty somasy 20 million teńgeden aspaityn bolsa, sol somadan astam emes) kórsetilgen salymdarǵa 1 ret esepteledi", - delingen UB habarlamasynda.
Ótemaqyǵa (syilyqaqyǵa) jeke tabys salyǵy salynbaidy.
