Qazaqstannyń depozitterge kepildik berý qory teńge depozitteri boiynsha 2020 jyldyń jeltoqsan aiyna usynylatyn eń joǵary syiaqy mólsherlemelerin bekitti, dep habarlaidy "Ult aqparat" qordyń baspasóz qyzmetine silteme jasap.
Qazaqstannyń Ulttyq banki bazalyq mólsherlemeniń mánin bekitý aiasynda 26 qazanda ony ózgerissiz qaldyrý týraly sheshim qabyldady. Nátijesinde depozitter boiynsha mólsherlemelerdiń kópshiligi ózgertilgen joq.
«Qor usynatyn maksimaldy syiaqy mólsherlemeleri 24 ailyq merzimdi depozitterdiń tolyqtyrýǵa bolatyn túri boiynsha – 9,1 paiyzdy, al tolyqtyrýǵa bolmaityn túri boiynsha – 9,4 paiyzdy qurady. Depozitterdiń osy túri salymshylar arasynda onsha tanymal emes. Onyń ústine basqa merzimderge arnalǵan merzimdi salymdarmen salystyrǵanda aiyrmashylyǵy az. Bankter osy sebepten olarǵa qatysty paiyzdardy birtindep tómendetýde», delingen habarlamada.
Bul rette depozitterdiń osy túri boiynsha salymshylarǵa aqsha alýǵa qatysty aitarlyqtai shekteý qoiylmaidy. Sondyqtan bankter bul depozitter boiynsha merzimdiligi úshin syilyqaqy eseptemeidi.
