قازاقستاننىڭ دەپوزيتتەرگە كەپٸلدٸك بەرۋ قورى تەڭگە دەپوزيتتەرٸ بويىنشا 2020 جىلدىڭ جەلتوقسان ايىنا ۇسىنىلاتىن ەڭ جوعارى سىياقى مٶلشەرلەمەلەرٸن بەكٸتتٸ, دەپ حابارلايدى "ۇلت اقپارات" قوردىڭ باسپاسٶز قىزمەتٸنە سٸلتەمە جاساپ.
قازاقستاننىڭ ۇلتتىق بانكٸ بازالىق مٶلشەرلەمەنٸڭ مەنٸن بەكٸتۋ اياسىندا 26 قازاندا ونى ٶزگەرٸسسٸز قالدىرۋ تۋرالى شەشٸم قابىلدادى. نەتيجەسٸندە دەپوزيتتەر بويىنشا مٶلشەرلەمەلەردٸڭ كٶپشٸلٸگٸ ٶزگەرتٸلگەن جوق.
«قور ۇسىناتىن ماكسيمالدى سىياقى مٶلشەرلەمەلەرٸ 24 ايلىق مەرزٸمدٸ دەپوزيتتەردٸڭ تولىقتىرۋعا بولاتىن تٷرٸ بويىنشا – 9,1 پايىزدى, ال تولىقتىرۋعا بولمايتىن تٷرٸ بويىنشا – 9,4 پايىزدى قۇرادى. دەپوزيتتەردٸڭ وسى تٷرٸ سالىمشىلار اراسىندا ونشا تانىمال ەمەس. ونىڭ ٷستٸنە باسقا مەرزٸمدەرگە ارنالعان مەرزٸمدٸ سالىمدارمەن سالىستىرعاندا ايىرماشىلىعى از. بانكتەر وسى سەبەپتەن ولارعا قاتىستى پايىزداردى بٸرتٸندەپ تٶمەندەتۋدە», دەلٸنگەن حابارلامادا.
بۇل رەتتە دەپوزيتتەردٸڭ وسى تٷرٸ بويىنشا سالىمشىلارعا اقشا الۋعا قاتىستى ايتارلىقتاي شەكتەۋ قويىلمايدى. سوندىقتان بانكتەر بۇل دەپوزيتتەر بويىنشا مەرزٸمدٸلٸگٸ ٷشٸن سىيلىقاقى ەسەپتەمەيدٸ.
