Foto: ashyq derekkóz
2023 jyldyń jeltoqsan aiynda Soltústik Qazaqstan oblysynyń Jumysshy aýylynda qatygezdikpen jasalǵan qylmys eldi dúr silkindirdi. Belgisiz adamdar bútin bir otbasyny – erli-zaiyptylar men olardyń 17 jastaǵy ulyn baýyzdap óltirgen. Bul oqiǵa jerleý qyzmetteri naryǵyndaǵy básekelestikpen bailanysty bolǵany anyqtaldy, dep habarlaidy "Ult aqparat" agenttigi Social Media-ǵa silteme jasap.
Tergeý málimetterine sáikes, qylmysqa qatysy bar degen kúdikpen úsh adam ustaldy: jeke kásipker E., onyń qyzmetkeri O., jáne olardyń sybailasy S. Olar jerleý biznesindegi básekelesterinen arylý úshin sanaly túrde osyndai qylmysqa barǵan. Qaza tapqan otbasynyń ieligindegi uiym tenderlerdiń basym bóliginde jeńip shyǵyp otyrǵan, bul kúdiktilerdiń qylmystyq áreketterge barýyna sebep bolǵan.
Qylmys jasalǵan kezde otbasynyń jalǵyz tiri qalǵan múshesi – qyzy, Reseide týystarynyń úiinde bolǵan. Qazir bul qylmys boiynsha tergeý jalǵasýda, al kúdiktilerge adam óltirý jáne basqa da aýyr qylmystar boiynsha aiyp taǵyldy.
