Kórneki foto: dzen.ru
10 jeltoqsan keshkisin Moiynty – Shyǵanaq aralyǵynda qaiǵyly oqiǵa boldy, dep habarlaidy Ult.kz.
Saryshaǵan stantsiiasynyń jol brigadasy josparly rels aýystyrý jumystaryn júrgizip jatqan. Sol sátte júk poiyzynyń mashinisti jol aimaǵyndaǵy adamdardy baiqap, shuǵyl tejegishti basqan. Ókinishke qarai, apattyń aldyn alý múmkin bolmady. Tórt jumysshy qaza tapty.
"«QTJ» kompaniiasynyń basshylyǵy oqiǵaǵa dereý áreket etkeni habarlandy. Oqiǵa ornyna mamandar jiberilip, bas injenerdiń jetekshiligimen komissiia jumysyn bastady. Ol bolǵan oqiǵanyń barlyq mán-jaiyn anyqtap, qaýipsizdik boiynsha qorytyndy daiyndaidy", -delingen habarlamady.
«QTJ» ókilderi qaza bolǵandardyń otbasylaryna barlyq qajetti kómek pen ótemaqy kórsetiletinin málimdedi.
