Foto: Ashyq derekkóz
Temirtaýda memlekettik balabaqshada bolǵan oqiǵa qoǵamnyń ashýyn týǵyzdy. Ata-analar sabaq barysynda tárbieshiniń 6 jastaǵy qyzǵa qol kótergenin beinejazbadan kórgen, dep habarlaidy Ult.kz KTK-ǵa silteme jasap.
Kamera jazbasynda pedagog jazý erejesin túsindirip turyp, balanyń mańdaiynan birneshe ret judyryqpen urǵany baiqalady. Sonymen qatar onyń ashýlanyp, balaǵa daýys kótergeni de anyq kórinedi.
Beinejazbanyń áleýmettik jelige qalai taraǵany belgisiz. Oqiǵadan keiin tárbieshi birden jumystan bosatylyp, balabaqsha direktoryna sógis berildi.
Temirtaý qalalyq bilim bólimi bul jaǵdai boiynsha arnaiy komissiia quryp, qyzmettik tekserý júrgizgenin habarlady. Tekserý nátijesinde tárbieshi tiisti bappen qyzmetinen shettetildi.
Atalǵan jait ata-analar arasynda balabaqshalardaǵy balalar qaýipsizdigi máselesin qaita kóterdi.
