فوتو: اشىق دەرەككٶز
تەمٸرتاۋدا مەملەكەتتٸك بالاباقشادا بولعان وقيعا قوعامنىڭ اشۋىن تۋعىزدى. اتا-انالار ساباق بارىسىندا تەربيەشٸنٸڭ 6 جاستاعى قىزعا قول كٶتەرگەنٸن بەينەجازبادان كٶرگەن, دەپ حابارلايدى Ult.kz كتك-عا سٸلتەمە جاساپ.
كامەرا جازباسىندا پەداگوگ جازۋ ەرەجەسٸن تٷسٸندٸرٸپ تۇرىپ, بالانىڭ ماڭدايىنان بٸرنەشە رەت جۇدىرىقپەن ۇرعانى بايقالادى. سونىمەن قاتار ونىڭ اشۋلانىپ, بالاعا داۋىس كٶتەرگەنٸ دە انىق كٶرٸنەدٸ.
بەينەجازبانىڭ ەلەۋمەتتٸك جەلٸگە قالاي تاراعانى بەلگٸسٸز. وقيعادان كەيٸن تەربيەشٸ بٸردەن جۇمىستان بوساتىلىپ, بالاباقشا ديرەكتورىنا سٶگٸس بەرٸلدٸ.
تەمٸرتاۋ قالالىق بٸلٸم بٶلٸمٸ بۇل جاعداي بويىنشا ارنايى كوميسسييا قۇرىپ, قىزمەتتٸك تەكسەرۋ جٷرگٸزگەنٸن حابارلادى. تەكسەرۋ نەتيجەسٸندە تەربيەشٸ تيٸستٸ باپپەن قىزمەتٸنەن شەتتەتٸلدٸ.
اتالعان جايت اتا-انالار اراسىندا بالاباقشالارداعى بالالار قاۋٸپسٸزدٸگٸ مەسەلەسٸن قايتا كٶتەردٸ.
