Áleýmettik jelilerde avtobýsta bolǵan janjaldyń videosy tarady. Oqiǵa Temirtaý shaharynda oryn alǵan, dep habarlaidy "Ult aqparat".
Kadrdan birneshe er adamnyń áieldi avtobýstan kúshtep shyǵarǵany baiqalady. Sodan keiin belgisiz bireý áieldi aiaýsyz soqqyǵa jyqqan.
Qaraǵandy oblysynyń politsiia departamenti bul videoǵa qatysty túsinikteme berdi.
Shynynda da, zardap shekken áiel Qaraǵandy-Temirtaý qalaaralyq avtobýsynyń jolaýshysy bolǵan. Ol Qaraǵandydaǵy "Kenshiler mádeniet saraiy" aialdamasynda avtobýsqa otyrǵan.
"Bul oqiǵa 28 qyrkúiekte Temirtaýdaǵy "Kooperator" aialdamasynda boldy. Avtobýs júrgizýshisi men kondýktory anyqtaldy. Kondýktordyń aitýynsha, áiel saǵat 16.30 shamasynda "Kenshiler mádeniet saraiy" aialdamasynda avtobýsqa mas kúide otyrǵan. Ol ózin ádepsiz ustap, uiatsyz sózder aityp, jolaqysyn tóleýden bas tartty. Temirtaýǵa jetkesin, "Kooperator" aialdamasynda kondýktor men jolaýshylar áieldi kólikten túsirdi. Sodan keiin belgisiz bireý dene jaraqatyn salǵan", - dep málimdedi baspasóz qyzmetinde.
Atalǵan derek boiynsha QR Qylmystyq kodeksiniń 293-baby "Buzaqylyq" boiynsha qylmystyq is qozǵaldy. Oqiǵanyń mán-jaiyn anyqtalyp, jábirlenýshi men qylmystyq quqyq buzýshylyqqa qatysy bar adamdar izdestirilip jatyr.
Eskertý: videoda beiádep sózder bar
