Qazaqstandyq qaqpashy Temirlan Anarbekov Chempiondar ligasynyń úzdik oiynshylary qataryna endi, dep habarlaidy ult.kz.
Tanymal FlashScore statistikalyq portaly «Qairat» klýby men Qazaqstan ulttyq quramasynyń qaqpashysy Temirlan Anarbekovti 2025/2026 jylǵy Chempiondar ligasy maýsymynyń simvolikalyq quramyna qosty.
Úzdik oiynshylar tiziminde álemdik fýtbol juldyzdary – Harri Kein, Kilian Mbappe, Lamin Iamal jáne Hvicha Kvaratsheliia sekildi tanymal fýtbolshylar bar. Osy qatardan qazaqstandyq qaqpashynyń da oryn alýy jankúierler úshin jaǵymdy jańalyq boldy.
FlashScore sarapshylary Anarbekovtiń joǵary baǵalanǵan oiynyn onyń týrnirdegi senimdi óner kórsetýimen bailanystyrdy. Portal málimetinshe, «Qairat» jarystyń jalpy kezeńinde tómen nátije kórsetkenimen, qaqpaǵa baǵyttalǵan kóp soqqy qazaqstandyq qaqpashynyń sheberligin pash etýine múmkindik bergen.
«Anarbekovtiń eń joǵary reiting alǵan qaqpashy atanatynyn kim boljady? “Qairat” jalpy kezeńdi sońǵy orynda aiaqtaǵanymen, dál osy jaǵdai onyń qabiletin kórsetýge jol ashqan bolýy múmkin», – dep jazdy basylym.
