Temir jol biletteriniń alypsatarlaryna 500 ailyq eseptik kórsetkishke deiin aiyppul salynady. Bul týraly Indýstriia jáne infraqurylymdyq damý ministrligi Kólik komiteti Temirjol kóligindegi baqylaý basqarmasynyń basshysy Eldos Nestai aitty, dep habarlaidy QazAqparat.
Ol Ortalyq kommýnikatsiialar qyzmetinde ótken baspasóz máslihaty barysynda «QR keibir zańnamalyq aktilerine temirjol kóligi máseleleri boiynsha ózgerister men tolyqtyrýlar engizý týraly» zańyn túsindirip bergen edi
«Qazirgi tańda temir jolmen jolaýshylar tasymaldaý shyǵystary memlekettik biýdjet tarapynan sýbsidiialanady. Bul: vagondardy jalǵa alý, kútip ustaý, satyp alý, vokzal sharýashylyǵy, lokomativtik tartý jáne magistraldyq jeli qyzmetteri. Shyǵystyń basqa bir bóligin »Qazaqstan temir joly« júk tasymaly kiristeri esebinen kórsetiletin qyzmetterge tómen tarif belgileý arqyly jabady. Bul ishki kross sýbsidiialaý dep atalady. Atalǵan syzbada aqsha aǵymdarynyń bir ortalyqqa baǵynýy jáne ashyqtyǵy joq edi. Júieni ashyq etý úshin zań jobasymen jolaýshylar lokomativteri atty jolaýshylar qozǵalysyndaǵy lokomotivtik tartýdyń jeke operatoryn qurý normalary anyqtalǵan. Bul zańdy tulǵa lokomativtik tartý qyzmetterin óteýge arnalǵan sýbsidiialardyń tikelei alýshysy bolady. Sondai-aq biýdjetten qosymsha qarajatty qarastyrmai kross sýbsidiialaýdan bas tartý úshin jolaýshylar tasymaldaýshylaryn qoldaýǵa júk tasymaldaýshynyń tegerimdeýshi, iaǵni balastyq tólem engiziledi. Bul jolaýshylar tasymalynyń naqty shyǵyndaryn kórýge múmkindik beredi», - dedi ol.
E.Nestaidyń aitýynsha, nátijesinde sýbsidiialardy ákimshileý jaqsarady. Lokomativtik tartý qyzmetterine arnalǵan shyǵystardy esepke alýdyń ashyqtyǵy artady. Osylaisha, jolaýshylardy tasymalyn sýbsidiialaý tetigi biryńǵai standartqa keledi.
«Júk tasymaldaý kezinde ishki, importtyq, eksporttyq jáne tranzittik tariftar bar. Qazirgi ýaqytta «jasyryn» tranzit syzbasy Qazaqstan aýmaǵyna importtyq rejimde júkti ákelip, odan ary úshinshi elge eksporttyq rejiide júkti qaita jiberý arqyly júzege asyrylyp otyr. Atalǵan syzba júk jóneltýshilerge eksporttyq-importtyq tarif deńgeiinen 4 ese joǵary bolyp sanalatyn tranzittik tólemnen jaltarýǵa múmkindik beredi. »Qazaqstan temir joly« jyl saiyn osy tásildiń sebebinen 16 mlrd teńgege jýyq kirisin joǵaltyp otyr. Osyǵan orai júk joldary boiynda júkti qaita tieý, aýystyryp tieý jáne kólik túrin aýystyrýdy qarastyratyn «júk tranziti» degen túsinik engizip otyrmyz. Sondai-aq, tasymaldaýshy júkke arnalǵan ilespe qujattardy qaraý quqyǵyna ie bolady. Jańa normalar júk jóneltýshige tranzittik tarif tóleminen qutylýǵa jol bermeidi», - dedi basqarma basshysy.
Munan bólek, ol tutynýshylardyń quqyqtaryn qorǵaý maqsatynda kirme joldardyń qyzmetterin usyný jáne baǵasyn belgileý tártibi jetildiriletindigin aitty.
«Sońǵy másele, qazirgi tańda temir jol biletterin satý, qaita satý faktileri boiynsha tiisti sharalar kúsheitiledi. iaǵni, zańmen jeke jáne zańdy tulǵalarǵajol júrý biletterin zańsyz satý jáne qaita satqany úshin 100-den 500 AEK-ke deiin ákimshilik jaýapkershilik kózdeledi», - dedi E.Nestai.
